Miðstjórn Alþýðusambands Íslands harmar neikvæða og ofstækiskennda orðræðu í tengslum við kjaraviðræður, nú síðast í kjaradeilu Eflingar og Samtaka atvinnulífsins og miðlunartillögu ríkissáttasemjara. Þetta kemur fram í ályktun sem miðstjórnin sendi frá sér fyrir stundu.

Hvatt er til stillingar og varað við því að kjaradeila, sem sé eðlilegur og viðtekinn framgangsmáti á vinnumarkaði, sé túlkuð á þann veg að réttmætt sé að ausa fúkyrðum og hatri yfir þau sem að þessum verkefnum koma.

Eðlilegt að takast á um álitaefni

„Mikilvægt er að álitamál fái viðhlítandi meðferð og ótækt er að ágreiningur sé nýttur til að hafa í frammi haturskennd og viðurstyggileg ummæli í garð tiltekinna einstaklinga, hópa og samtaka. Eðlilegt er að tekist sé á um hin ýmsu álitaefni og að fram komi ólík sýn til margra grunnþátta samfélagsins. Þetta á augljóslega við um þær reglubundnu kjaraviðræður sem fram fara í landinu og þá hagsmuni sem þar eru í húfi,“ segir í ályktuninni.

Alþýðusamband Íslands muni ávallt fordæma slíka framgöngu og  standa vörð um þau gildi lýðræðis og mannvirðingar sem liggi hreyfingu launafólks til grundvallar.

Miðstjórn ASÍ fordæmir fúkyrðaflaum og ofstækisfulla orðræðu. mbl.is/Eggert Jóhannesson

Tengdar fréttir

Kjaraviðræður

Boða aðgerðir á Keflavíkurflugvelli

• Óásættanlegt hversu langan tíma viðræður hafa tekið
• Boða verkfallsaðgerðir
• Kjaradeilu vísað til ríkissáttasemjara
• Hægagangur og vaxandi ókyrrð

» Fleiri tengdar fréttir

• Blogga um frétt