Walesverjinn Ryan Giggs spilaði ófáa leikina fyrir Manchester United gegn erkifjendunum í Liverpool á leikmannaferli sínum.
Giggs skoraði m.a. tvö mörk á Anfield í ensku úrvalsdeildinni sem hann man vel eftir í dag og þá man hann einnig mjög vel eftir baráttunni sem einkenndi leiki liðanna.
Liverpool og Manchester United mætast í toppslag ensku úrvalsdeildarinnar í fótbolta á sunnudaginn kemur klukkan 16:30 og verður leikurinn í beinni á Símanum sport.
United er í toppsætinu með 36 stig og Liverpool í öðru sæti með 33 stig.