Facebook-vélmenni bjuggu til eigið tungumál

Facebook hefur svæft tvö vélmenni með gervigreind eftir að þau bjuggu til furðulegt tungumál sín á milli.

Vísindamenn við rannsóknarstofu Facebook í gervigreind bjuggu til vélmennin, sem eru í raun ekkert annað en forrit sem hugsuð eru til þess að svara spurningum fólks og leysa einföld verkefni. Vélmennin voru smíðuð fyrr á þessu ári og áttu að læra að eiga í samskiptum með því að æfa sig á því að semja um ákveðna hluti sín á milli. 

En þegar vélmennin, sem kölluð eru Alice og Bob, hófu að eiga í samskiptum þá hófu þau að búa til sitt eigið furðulega tungumál sem enginn nema þau skildu.

Alice og Bob áttu að eiga í viðskiptum með bolta, hatta og bækur í tilraunaskyni. En þar sem skaparar þeirra gerðu ekki að skilyrði að þau myndu tala saman á ensku þá fóru þau fljótt að þróa með sér sinn eigin samskiptamáta í samningaviðræðunum.

Þó að Facebook hafi nú slökkt á Alice og Bob þá segja vísindamennirnir að mikinn lærdóm megi draga af prófununum á þeim. Markmiðið er að búa til forrit sem geta átt í rökræðum og almennum samræðum við fólk í gegnum netið. Slík forrit eru þegar til en geta aðeins átt í einfölum samskiptum.

Ekki reyndist hægt að þýða samskipti Alice og Bob svo að fólk myndi skilja þau, segir í frétt Telegraph um málið.

Dæmi um samskipti vélmennanna:

• Blogga um frétt