SpaceX hefur staðfest að upp hafi komið frávik við reglubundna prófun á vél geimferjunnar Crew Dragon í Flórída. Samkvæmt talsmanni bandaríska flughersins hefur stjórn verið náð á aðstæðum og varð engum meint af atvikinu.
Crew Dragon er geimferja SpaceX, sem er í eigu Elon Musk, og á að geta flutt fólk út í geim. Fyrsta geimferja SpaceX af þessari gerð hélt ómönnuð út geim í mars með góðum árangri.
Hins vegar er talið að atvikið nú í Flórída geti valdið töfum á því að hægt verði að flytja fólk með geimferjunni, en upphaflega var vonast til þess að hægt væri að senda fólk til Alþjóðlegu geimstöðvarinnar með ferjunni síðar á þessu ári.
Samkvæmt frétt BBC af málinu er ekki víst að svo verði úr þessu. Bandaríkin hafa ekki getað sent fólk út í geim með geimförum sínum síðan 2011. Þess í stað hafa þeir fengið geimför að láni frá Rússum.
SpaceX hefur hafið rannsókn á atvikinu og orsökum þess.
BREAKING: #SpaceX Crew Dragon suffered an anomaly during test fire today, according to 45th Space Wing. Smoke could be seen on the beaches.
— Emre Kelly (@EmreKelly) 20 April 2019
"On April 20, an anomaly occurred at Cape Canaveral AFS during Dragon 2 static test fire. Anomaly was contained and no injuries." pic.twitter.com/If5rdeGRXO