Veiði | mbl | 12.7.2018 | 10:28 | Uppfært 13.7.2018 3:00

Arnór fékk stærsta lax sumarsins

Arnór Maximilian Luckas var ánægður með 108 sm laxinn úr Laxá í Aðaldal. Ljósmynd/Nesveiðar

Það má segja að lukkan hafi fylgt Arnóri Maximilian Luckas í nótt þegar hann veiddi stærsta lax sumarsins í Laxá í Aðaldal og var laxinn 108 sm og vó um 28 pund. „Þeir áttu þarna fallega stund saman feðgarnir,“ segir Árni Pétur Hilmarsson, umsjónarmaður Nesveiða, í samtali við mbl.is

Arnór, sem er með föður sínum að veiðum, veiddi reyndar tvo stórlaxa þar sem hann náði fyrst einum 101 sm lax áður en hinn stærri veiddist.

„Það er auðvitað merkilegt að það sé sami veiðimaður sem veiðir 101 sentímetra lax og 108 sentímetra lax á sömu vaktinni, þetta er líka mjög nálægt 30 punda markinu,“ segir Árni. „Mér vitanlega er þetta stærsti laxinn sem hefur veiðst í sumar á Íslandi,“ bætir hann við.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.