Stórar bleikjur á land úr Eyjafjarðará

Bergþór hampar risableikjunni áður en hann sleppti henni aftur út …
Bergþór hampar risableikjunni áður en hann sleppti henni aftur út í ána. Ljósmynd/Aðsend

Risableikja kom á land úr Eyjafjarðará í dag þegar þekkt aflakló þar á bökkunum árinnar, Bergþór Ásgrímsson, landaði 76 cm bleikju.

Í spjalli við Bergþór kom fram að hann hefði verið að veiða á svæði fjögur fyrir hádegið í dag.  Á land komu 11 vænar bleikjur á þessari vakt, en sú stærsta tók rétt í lok vaktar í síðasta kastinu neðst á fyrir landi Hrísa.

Fram kom hjá Bergþóri að tekið hafi um 25 mínútur að landa þessum „bleikjukóng“ þar sem Bergþór hafi þurft að taka á sprett eftir honum einhverja 100 metra niður eftir ánni. Kvaðst Bergþór hafa orðið löðrandi sveittur eftir átökin því hann hefði engu við ráðið skepnuna fyrstu 15 mínúturnar. Tók bleikjuhængurinn stóri Pheasant tail kúluhaus.

Sagði Bergþór að þrír risahængar hefðu meðal annars veiðst á þessum dagspart, hver öðrum feitari og fallegri og mældust þeir samtals 204 cm á lengdina. 

Eiginkona Bergþórs var einnig með í för og landaði sinni fyrstu bleikju á flugu sem var 63 cm á lengdina.

Eyjafjarðará hefur löngum verið þekkt fyrir stórar bleikjur en þann 5. júlí veiddist önnur litlu minni en hjá Bergþóri í dag, 74 cm sem tók Krókinn á Munkaþverárbreiðu á svæði eitt.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Nesveiðar Grétar Þorgeirsson 12. júlí 12.7.
100 cm Blanda Tom Tynan 9. júlí 9.7.
105 cm Blanda Nigel Hawkins 8. júlí 8.7.
104 cm Svalbarðsá Viggó Júlíusson 6. júlí 6.7.
104 cm Nesveiðar Hugo 29. júní 29.6.
104 cm Nesveiðar Aron Pálmarsson 27. júní 27.6.
107 cm Nesveiðar Hilmar Hafsteinsson 25. júní 25.6.

Skoða meira