Hann Timo Reimers sem býr á Hvolsvelli setti í sannkallaða golþorska í Kollafirðinum um helgina. Hann hefur stundað sjóstöng frá barnæsku og stærsti þorskurinn sem hann hafði veitt var um 100 sentímetra langur. Hann snarbætti það met.
Hann var nýlega búinn að fjárfesta í nýjum Kinetic pilkum og slóða og var að vígja þær græjur. Hann tvíbætti metið sitt fyrst með 124 sentímetra löngum fiski sem var hrygna og nokkru síðar setti hann í tröllið og landaði hvorki meira né minna en 131,5 sentímetra sannkölluðum golþorski
„Þetta var þriðja ferðin mín í ár í Kollafjörð og ég er búinn að fá níu þorska yfir hundrað sentimetra. Ég hef fengið þá alla á sama staðnum,“ sagði Timo í samtali við Sporðaköst.
Hann var enn í skýjunum þegar við náðum tali af honum þá nýkominn heim með aflann. Sonur hans Theo hafði mjög gaman af eins og sjá má á meðfylgjandi mynd.
Það hefur orðið gríðarleg aukning í sjóstangaveiði í námunda við Reykjavík og fjölmargir hafa fjárfest í kajökum eða notast við litla báta. Veiðin er virkilega góð í Kollafirði og þar í kring. Ekki er langt síðan að Sporðaköst fjölluðu um sprengingu í sölu á kajökum. Svona fiskar eins og Timo landaði hjálpa fólki til að skilja hversu magnað sport þetta er. Átök við þorska af þessari stærð eru alveg fullorðins og sá stærri er örugglega nálægt því að vera þrjátíu kíló.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |