Sami laxinn veiddist í opnun og lokun

Ársæll Þór Bjarnason með hænginn glæsilega sem tók Sunray í …
Ársæll Þór Bjarnason með hænginn glæsilega sem tók Sunray í Laxapolli í Austurá í Miðfirði, 17. júní. Ljósmynd/Aðsend

Við birtum sögu í gær af laxi sem veiddist í klakveiði í Miðfjarðará og var nokkur vissa fyrir því að þessi fiskur hefði veiðst viku áður en þá sloppið út um gat á háf veiðimanna. Nú hefur heldur betur bæst við þessa sögu.

Ársæll Þór Bjarnason hafði samband við Sporðaköst eftir að fréttin um 102 sentímetra hænginn birtist í gær og benti á að þetta væri sami lax og hann hefði veitt í opnun. Eftir að hafa legið yfir myndunum má glögglega sjá að þetta er sami fiskurinn.

„Doppusetningin á hausnum á honum er afgerandi og doppurnar eru sambærilegar við fingraför þar sem hver og einn fiskur er með sínar sérstöku doppur. Þegar ég veiddi hann í opnuninni mældist hann 98 sentímetrar og var þá nýgenginn,“ sagði Ársæll í samtali við Sporðaköst. 

Hér er svo klakfiskurinn sem veiddist um mánaðamótin september október. …
Hér er svo klakfiskurinn sem veiddist um mánaðamótin september október. Þá mældist hann 102 sentímetrar. Ljósmynd/Aðsend

Við birtum hér báðar myndirnar svo fólk geti sjálft lagt mat á þetta. Til að bera fiskana saman er rétt að horfa á svörtu doppurnar á hausnum á nýgengna laxinum og bera þær saman við klakfiskinn.

Eftir að laxinn gengur í fersk vatn breytist útlit hans og neðri skolturinn gengur fram og krókurinn stækkar og þykknar. 

Hér munar fjórum sentímetrum frá því að laxinn gekk. Ársæll veiddi þennan fallega vorlax í Austurá, rétt fyrir ofan veiðistaðinn Kerlingu. Í vor tók hann Sunray en undir lok veiðitímans var hann kominn lengst upp í Austurá og var sett í hann á Dimmblá tvíkrækju númer fjórtán. Eins og fyrr segir slapp hann þá úr háfnum og veiddist svo í klakveiði viku síðar og var settur í kistu.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira