Sogið er búið að gefa tæplega hundrað laxa í sumar. Það hefur verið erfitt að fá heildartölu úr ánni þar sem svæðin hafa verið í sölu og umsjón óskyldra aðila. En í gær fengum við tölur af öllum svæðum og miðast þær við hádegi 19. júlí.
Ásgarður er með helming veiðinnar það sem af er, eða 47 laxa skráða í bók. Syðri-Brú, efsta svæðið, hefur gefið átta laxa, Bíldsfell 15, Alviðra 16 og Þrastarlundur átta laxa.
Þetta gerir heildarveiði upp á 94 fiska og einnig hefur verið að veiðast vel af bleikju. Athyglisvert er að Alviðrusvæðið gaf einungis tuttugu laxa í fyrra samkvæmt veiðibók, en veiðiálag var lítið þar í fyrra.
Sogið var hér áður fyrr þekkt sem stórlaxaá og gat hæglega gefið upp undir þúsund laxa þegar vel áraði. Nú verður forvitnilegt að sjá hvort upptaka á netum í Hvítá og Ölfusá skilar aukinni veiði.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |