Helmingi færri hundraðkallar en í fyrra

Magni með hundraðkallinn. Vigfús leiðsögumaður er nýbúinn að háfa þennan …
Magni með hundraðkallinn. Vigfús leiðsögumaður er nýbúinn að háfa þennan mikla hæng. Ljósmynd/Laxá í Aðaldal

Fjórði laxinn, sem mælist hundrað sentimetrar eða meira, veiddist í Laxá í Aðaldal í morgun. Það var Magni Jónsson sem setti í stórlaxinn í Bjargstreng, neðan Æðarfossa. Naut hann leiðsagnar Vigfúsar Bjarna Jónssonar.

Sporðaköst hafa staðfestar upplýsingar um ellefu fiska í þessum stærðarflokki í sumar. Það er mun minna en á sama tíma í fyrra, þegar þeir voru orðnir tuttugu talsins.

Magni með stórlaxinn úr Bjargstreng. Þetta er sá fjórði í …
Magni með stórlaxinn úr Bjargstreng. Þetta er sá fjórði í sumar úr Laxá. Ljósmynd/Laxá í Aðaldal

„Við vorum ekkert að skyggna Bjargstrenginn,“ sagði Vigfús í samtali við Sporðaköst. „Við fórum bara beint niður og í þriðja kasti kom hann og tók Sunray.“

Þegar fiskur af þessari stærð tekur í Bjargstreng er það ávísun á ævintýri, Það varð enda raunin hjá þeim félögum. Fiskurinn tók strauið og fór undir göngubrúna.

„Þetta var sterkur fiskur. Til að byrja með lá hann rólegur í töluvert miklum straum í strengnum. Svo auðvitað tók hann strauið niður og undir litlu göngubrúna. Ég þurfti að fara á magann til að koma stönginni undir brúna. Eftir það rauk hann niður á Breiðu og við lönduðum honum þar eftir um það bil hálftíma viðureign,“ sagði Magni í samtali við Sporðaköst.

Þetta er ekki stærsti lax sem Magni hefur landað. Hann fékk 102 sentímetra lax í einmitt Laxá og var það í Suður-Hólma fyrir aldamót.

Magni er ánægður með stöðuna á Laxá. Fiskur er dreifður og frekar lítið slýrek miðað við árstíma.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Eystri-Rangá Hannes Gústafsson 14. september 14.9.
102 cm Vatnsdalsá Sigurður Héðinn 11. september 11.9.
100 cm Eystri-Rangá Hilmar Ingimundarson 10. september 10.9.
102 cm Víðidalsá/Fitjá Rögnvaldur Örn Jónsson 8. september 8.9.
101 cm Laxá í Aðaldal Nils Folmer Jörgensen 30. ágúst 30.8.
102 cm Kjarrá Jake Elliot 30. ágúst 30.8.
101 cm Húseyjarkvísl Sævar Örn Hafsteinsson 28. ágúst 28.8.

Skoða meira