Að láta veiðidrauminn rætast

Breska veiðikonan Marina Gibson sneri lífi sínu við fyrir nokkrum árum. Hún sagði upp vinnunni í stórborginni og elti veiðidrauminn. Hún stofnaði veiðiskóla norðarlega í Englandi og lét þar með gamlan draum rætast.

Í dag veiðir Marina um allan heim og er samfélagsmiðlastjarna í veiðiheiminum. Hún segir að samfélagsmiðlar hafi einmitt breytt miklu í stangveiðinni. Yngra fólk heillist af sportinu og að sama skapi fjölgi konum sem vilja veiða.

Hún ræddi drauminn og veiðilífið í Sporðakastaþætti sem sýndur var í fyrra. Umhverfið er eins og best verður á kosið; veiðistaðurinn Svarthamar í Austurá í Miðfirði. Leiðsögumaður Marinu er Rafn Valur Alfreðsson.

Því miður var ekki unnt að setja íslenskan texta með myndbrotinu og biðjumst við velvirðingar á því.

En við byrjum á hinni geðþekku Marinu og hennar ævintýri. Myndataka og klipping var í höndum Steingríms J. Þórðarsonar.

• Blogga um frétt

Seinustu hundraðkallar sumarsins