— Morgunblaðið/Árni Sæberg
VOVKA Stefán Ashkenazy og Vassilis Tsabropoulos leika rússneska tónlist fyrir tvö píanó í Tíbrárröð Salarins í dag kl. 16. Salurinn í Kópavogi státar af því að eiga tvo konsertflygla af bestu gerð og munu þessir tveir píanistar taka þá til kostanna.

VOVKA Stefán Ashkenazy og Vassilis Tsabropoulos leika rússneska tónlist fyrir tvö píanó í Tíbrárröð Salarins í dag kl. 16. Salurinn í Kópavogi státar af því að eiga tvo konsertflygla af bestu gerð og munu þessir tveir píanistar taka þá til kostanna.

Vovka Stefán lék fyrst á Tíbrártónleikum 1. nóvember 2002 og kemur nú öðru sinni og með honum margverðlaunaður grískur píanóleikari, Vassilis Tsabropoulos. Á efnisskránni eru fjögur verk rússneskra öndvegistónskálda. Fantasía Scriabins er hugljúf tónsmíð, samin snemma á ferli hans. Svíta Rachmaninoffs op. 17 er líka verk ungs manns, en dansarnir op. 45 hans síðasta stórvirki. Vorblót Stravinskys olli uppþotum og ókyrrð þegar það var frumflutt í París 1913. Sinfónísku dansarnir og Vorblótið eru hvorutveggja stór hljómsveitarverk, en njóta sín líka í þeim búningi sem höfundar þeirra gerðu fyrir tvö píanó.