Höfði fasteignasala er með í sölu glæsilegt 208,8 fermetra raðhús á tveimur hæðum með innbyggðum bílskúr í Álfholti 20 í Hafnarfirði. Ásett verð er 36,9 millj. kr.
Höfði fasteignasala er með í sölu glæsilegt 208,8 fermetra raðhús á tveimur hæðum með innbyggðum bílskúr í Álfholti 20 í Hafnarfirði. Ásett verð er 36,9 millj. kr.
[ Smellið til að sjá stærri mynd ]
Hafnarfjörður - Höfði fasteignasala er með í sölu glæsilegt 208,8 fermetra raðhús á tveimur hæðum með innbyggðum bílskúr í Álfholti 20 í Hafnarfirði. Álfholt er lokuð gata í annan endann í grónu hverfi á Hvaleyrarholtinu.

Hafnarfjörður - Höfði fasteignasala er með í sölu glæsilegt 208,8 fermetra raðhús á tveimur hæðum með innbyggðum bílskúr í Álfholti 20 í Hafnarfirði. Álfholt er lokuð gata í annan endann í grónu hverfi á Hvaleyrarholtinu. "Fallegt útsýni er úr þessu vel skipulagða og fjölskylduvæna húsi og stutt í skóla og leikskóla," segir Ásmundur Skeggjason hjá Höfða. Ennfremur er stutt í íþróttahús Hauka um undirgöng undir Reykjanesbraut, í sundlaug og verslun.

Húsið er byggt úr steinsteypu 1992. Hellulagt, upphitað bílaplan er fyrir framan húsið.

Komið er inn i flísalagða forstofu með fataskápum. Úr henni er gengið inn í um 30 fm bílskúrinn sem er með rafmagni og hita, vinnuborði, skápum og hillum. Inn af forstofunni er rúmgott, dúklagt herbergi. Úr forstofu er komið inn í stórt, parketlagt alrými með mikilli lofthæð sem nýtist sem stofa og borðstofa. Úr stofu er útgengt út á stóran skjólsælan pall og út í lítinn garð með sandkassa.

Eldhúsið er flísalagt. Það er með góðum borðkróki, sérsmíðaðri innréttingu og eldavélaeyju með háfi yfir. Í eldhúsinu er mikið skápapláss. Gluggar í stofu og eldhúsi ná frá gólfi og eru ofnar niðurbyggðir sem gefur skemmtilegan svip á neðri hæðina. Innaf eldhúsi er þvottahús og einnig er flísalögð snyrting á neðri hæð. Gengið er upp á efri hæð um steyptan stiga með kókosteppi. Á hæðinni eru tvö barnaherbergi, annað með innbyggðum skápum og stórum gluggum. Hjónaherbergi er með góðum skápum og eru litlar vestursvalir út af því. Dúkur er á svefnherbergisgólfunum. Flísalagt baðherbergi með sturtu og baðkari er líka á efri hæð. Jafnframt parketlagður sjónvarpskrókur.

Ásett verð er 36.9 millj. kr.