Góður Guðbergur Bergsson er tilnefndur til hinna virtu Nonino-verðlauna á Ítalíu fyrir skáldsögu sína Svaninn sem kom út hér á landi 1992.
Góður Guðbergur Bergsson er tilnefndur til hinna virtu Nonino-verðlauna á Ítalíu fyrir skáldsögu sína Svaninn sem kom út hér á landi 1992. — Morgunblaðið/Einar Falur
RITHÖFUNDURINN Guðbergur Bergsson hefur verið tilnefndur til hinna ítölsku Nonino-verðlauna fyrir skáldsöguna Svanurinn sem kom upphaflega út á íslensku árið 1992 og hefur síðar komið út víða um heim og hvarvetna hlotið afbragðs viðtökur.

RITHÖFUNDURINN Guðbergur Bergsson hefur verið tilnefndur til hinna ítölsku Nonino-verðlauna fyrir skáldsöguna Svanurinn sem kom upphaflega út á íslensku árið 1992 og hefur síðar komið út víða um heim og hvarvetna hlotið afbragðs viðtökur.

Svanurinn heitir Il Cigno á ítölsku og hefur notið mikilla vinsælda þar í landi, selst margoft upp og verið gefin út bæði innbundin og í kilju.

Nonino-verðlaunin voru stofnuð í janúar 1977 af Nonino-fjölskyldunni sem hefur verið einn stærsti og virtasti vínframleiðandi Norður-Ítalíu í meira en öld. Fjölskyldan ákvað að nýta auð sinn til að styðja við menningu í landinu með því að stofna til menningarverðlauna sem eru álitin einhver mesta viðurkenning sem mönnum getur hlotnast á Ítalíu.

Nonino-bókmenntaverðlaunin eru afhent síðasta laugardag í janúar á ári hverju.

Sem dæmi um þá sem hafa hlotið Nonino-verðlaunin eru V.S. Naipaul, sem hlaut Nóbelsverðlaun í flokki bókmennta og Rigoberta Menchú Tum er hlaut friðarverðlaun Nóbels.

Guðbergi Bergssyni hefur verið boðið að koma til Ítalíu, frá 25. til 27. janúar á næsta ári, til að vera viðstaddur afhendingu verðlaunanna.

Frá þessu segir í tilkynningu frá JPV útgáfu.