Mér er flökurt Britney Spears kann svo sannarlega að sitja fyrir á eftirminnilegum ljósmyndum.
Mér er flökurt Britney Spears kann svo sannarlega að sitja fyrir á eftirminnilegum ljósmyndum. — Reuters
UNDANFARIÐ hefur heimsbyggðin þurft að þreyja örlítið lægðartímabil hvað "fréttnæm" tíðindi af Britney Spears snertir – en nú hefur svo sannarlega orðið breyting þar á!
UNDANFARIÐ hefur heimsbyggðin þurft að þreyja örlítið lægðartímabil hvað "fréttnæm" tíðindi af Britney Spears snertir – en nú hefur svo sannarlega orðið breyting þar á! Poppprinsessan gubbaði nefnilega með tilþrifum á meðan á myndatöku fyrir tímaritið OK! stóð.

Málglaður slefberi frá OK! ljóstrar upp málavöxtum fyrir slúðursnepilinn Sun : "Hún ranghvolfdi augum og bullaði. Hún át einhvern mat og kastaði svo upp á Gucci-kjólinn sinn. Hún var ógeð. Oj!"

Þrátt fyrir að Britney hafi ekki beint verið í essinu sínu í umræddri myndatöku hyggjast þeir blaðabændur hjá OK! birta ljósmyndirnar af henni. Þetta ákváðu þeir eftir að hafa haldið mikið þing og ráðið þar ráðum sínum.