STJÓRN Félags smábátaeigenda á Austurlandi hefur sent frá sér eftirfarandi samþykkt: "Stjórn Félags smábátaeigenda á Austurlandi telur engin rök fyrir rúmlega 30% niðurskurði á þorskkvóta, sem leiðir óhjákvæmilega til samþjöppunar aflaheimilda með...
STJÓRN Félags smábátaeigenda á Austurlandi hefur sent frá sér eftirfarandi samþykkt:

"Stjórn Félags smábátaeigenda á Austurlandi telur engin rök fyrir rúmlega 30% niðurskurði á þorskkvóta, sem leiðir óhjákvæmilega til samþjöppunar aflaheimilda með tilheyrandi byggðaröskun. Vill stjórnin að línuskipum 100 brl og stærri verði bannaðar veiðar innan 6 sml frá landi og skipum sem veiða með togveiðarfærum verði bannaðar veiðar innan 12 sml frá landi.Teljum við að sú aðgerð að vísa stærri skipum utar sé meiri friðunaraðgerð en niðurskurður aflaheimilda og líklegri til að skila árangri í uppbyggingu þorskstofnsins."