1. apríl 2008 | Blogg | 219 orð | 1 mynd

Birkir Jón Jónsson | 31. mars 2008 Er verið að svíkja eldri borgara og...

Birkir Jón Jónsson | 31. mars 2008 Er verið að svíkja eldri borgara og öryrkja? Ég bloggaði fyrir helgi um meint svik ríkisstjórnarinnar við eldri borgara og öryrkja í tengslum við aðkomu ríkisins að kjarasamningum.
Birkir Jón Jónsson | 31. mars 2008

Er verið að svíkja eldri borgara og öryrkja?

Ég bloggaði fyrir helgi um meint svik ríkisstjórnarinnar við eldri borgara og öryrkja í tengslum við aðkomu ríkisins að kjarasamningum. Deilan snýst um hversu mikið almannatryggingar áttu að hækka í tengslum við gerð síðustu kjarasamninga. Ég ákvað í framhaldinu að bíða eftir viðbrögðum ráðherra við yfirlýsingum samtaka aldraðra, öryrkja og Alþýðusambandsins. Þegar Jóhanna Sigurðardóttir var innt eftir svörum um helgina kom harla lítið fram hjá henni og í raun er það enn óupplýst hvort ríkisstjórnin hafi ekki uppfyllt það sem hún lofaði fyrir örfáum vikum. Á fundi félags- og tryggingamálanefndar í morgun óskaði ég eftir því að fulltrúar ÖBÍ, Landssambands eldri borgara og ASÍ yrðu kallaðir fyrir nefndina til komast til botns í þessu máli. Það verður því væntanlega haldinn fundur fljótlega þar sem að þetta mál verður skýrt nánar fyrir félags- og tryggingamálanefnd Alþingis....eins og allir muna þá lofuðu allir flokkar úrbótum í þessum málaflokki en af viðbrögðum að dæma þá hafa margir orðið fyrir miklum vonbrigðum með Jóhönnu Sigurðardóttur í þessum málaflokki. Miðað við verðbólguhorfur þá eru allar líkur á því að kjör aldraðra og öryrkja muni að raungildi skerðast umtalsvert á þessu ári. Þessir hópar hafa ekki breiðustu bökin þegar kemur að afborgunum af húsnæðislánum og almennri dýrtíð í samfélaginu...

birkir.blog.is

Fletta í greinum frá þessum degi

Aðgangsupplýsingar

Notandi:Þú ert ekki innskráð(ur).
Greinin: Þessi grein er ókeypis þar sem hún er eldri en þriggja ára.
Morgunblaðið - fyrsta forsíðan

Morgunblaðið hjá Landsbókasafni

Á vefnum timarit.is er að finna stafrænt safn Landsbókasafns yfir helstu dagblöð og tímarit landsins. Þetta er eina leiðin til að leita að efni úr Morgunblaðinu frá því fyrir 1986.