Sunna Gunnlaugs á Háskólatorgi

JAZZAKADEMÍAN, Jazzklúbbur Háskóla Íslands, verður með tónleika á Háskólatorgi í dag frá kl. 16 til 18. Fram kemur Tríó Sunnu Gunnlaugs sem mun leika útsetningar á íslenskum þjóðlögum af nýútkomnum diski, Songs From Iceland , í bland við annað frumsamið efni. Með Sunnu, sem leikur á Wurlitzer-rafpíanó, leika Þorgrímur Jónsson á kontrabassa og Scott McLemore á trommur. Tónleikarnir eru í boði Háskóla Íslands og Félagsstofnunar stúdenta. Aðgangur er ókeypis og öllum heimill og Hámubarinn er opinn meðan á tónleikunum stendur.