HÆSTIRÉTTUR hefur staðfest úrskurð Héraðsdóms Suðurlands frá 19. febrúar sl. þess efnis að karlmaður sem grunaður er um að hafa valdið dauða annars sæti gæsluvarðhaldi þar til dómur gengur í máli hans, þó ekki lengur en til 18. mars nk.
Í greinargerð ríkissaksóknara kemur fram að maðurinn gekk hrottalega í skrokk á fórnarlambi sínu í sumarhúsi í Grímsnesi 7. nóvember síðastliðinn. Honum er gert að sök að hafa slegið manninn í höfuðið, ítrekað sparkað í og stigið á höfuð og efri hluta líkama hans á meðan hann lá á gólfinu.
Í greinargerðinni segir að ef sakborningur sem orðið hefur uppvís að jafnalvarlegu broti gangi laus áður en dómur fellur í máli hans valdi það hneykslun í samfélaginu og særi réttarvitund almennings. andri@mbl.is
Til baka
Leita í greinasafni
Prenta grein
