30. júní 1862 Eldgos hófst vestan Vatnajökuls. Það stóð í rúm tvö ár en ekki var vitað fyrr en mörgum áratugum síðar hvar eldstöðin var nákvæmlega. Hún er nú nefnd Toppgígar og hraunið Tröllahraun. 30.

30. júní 1862

Eldgos hófst vestan Vatnajökuls. Það stóð í rúm tvö ár en ekki var vitað fyrr en mörgum áratugum síðar hvar eldstöðin var nákvæmlega. Hún er nú nefnd Toppgígar og hraunið Tröllahraun.

30. júní 1910

Laufey Valdimarsdóttir útskrifaðist sem stúdent frá Lærða skólanum (Menntaskólanum í Reykjavík), fyrst íslenskra kvenna.

30. júní 1954

Almyrkvi varð á sólu og sást hann best við suðurströndina. Myrkur féll yfir landið í nokkrar mínútur og stjörnur skinu á himni.. Þetta var fyrsti almyrkvinn hér á landi í 121 ár. Næsta almyrkva má vænta 12. ágúst 2026, á vesturströndinni.

30. júní 1964

Íslenska kvennalandsliðið í handknattleik varð Norðurlandameistari á móti sem haldið var í Reykjavík.

30. júní 1990

Kvennahlaup ÍSÍ var haldið í fyrsta sinn. Hlaupið var á sex stöðum og voru þátttakendur um tvö þúsund. Síðustu ár hafa þátttakendur verið um tuttugu þúsund á meira en eitt hundrað stöðum.

30. júní 2005

Tónleikar Duran Duran voru í Egilshöll. „Stemningin þótti ólýsanleg og sungu tíu þúsund áhorfendur stöðugt með,“ sagði Morgunblaðið.

Dagar Íslands | Jónas Ragnarsson