Fagfjárfestar og aðrir menn Nú þegar fallið hafa dómar um lögmæti lána hjá bönkum er vonandi að fjármálastofnanir haldi sig við lög gegn okri eða banni á okri og þá 110% leiðinni sem á að fyrirbyggja brot á okurlögum.

Fagfjárfestar og aðrir menn

Nú þegar fallið hafa dómar um lögmæti lána hjá bönkum er vonandi að fjármálastofnanir haldi sig við lög gegn okri eða banni á okri og þá 110% leiðinni sem á að fyrirbyggja brot á okurlögum. Fallið hefur dómur í Hæstarétti nýverið vegna svokallaðra innherjasvika, dómurinn hljóðaði upp á tvö ár. Þessi dómur er auðvitað dropi í hafið því mjög margir eru aðilar að ólöglegri heildrænni einkavæðingu bankanna og hvort þessi einstaklingur var ábyrgari en annar fagfjárfestir skal látið ósagt. Menn voru flokkaðir af bönkum sem fagfjárfestar eða almennir fjárfestar og höfðu menn ekkert val um annað ættu þeir að fá þjónustu. Það að flokka menn með þessum hætti tel ég að hljóti að vera lögbrot því allir eiga að hafa sama rétt á þjónustu bankanna. Það getur vart verið slík dulúð í rekstri bankanna að það þoli ekki dagsbirtu. Þeir sem koma að bönkunum og rekstri þeirra eru að sjálfsögðu samábyrgir fyrir rekstrinum. Þeir sem starfa við bankana eru þá væntanlega fagfjárfestar miðað við fyrri forsendur. Spurningin er: Eru fagfjárfestar sem starfa í bönkunum í samkeppni og eru bara ekki allir sem koma að heildrænni ólöglegri einkavæðingu bankanna samábyrgir? Ættu ekki þeir sem standa að og starfa við heildræna einkavæðingu banka að fá samráðsdóm vegna hægri öfga eða fengu ekki allir sömu spil? Svo er það nú bara þannig að auðvitað eru í raun og veru allir opinberir starfsmenn samábyrgir fyrir eða vegna ólöglegrar heildrænnar einkavæðingar bankanna undangengin ár og væntanlega í núinu ef Steingrímur J. og Mörður Árnason lofa og ættu að fá dóma jafnt og Baldur Guðlaugsson.

Kristján Snæfells Kjartansson.


Svarað í síma 5691100 frá 10-12 velvakandi@mbl.is