Guðrún Brá Björgvinsdóttir
Guðrún Brá Björgvinsdóttir
Kylfingurinn Guðrún Brá Björgvinsdóttir úr Keili spilaði afar vel á öðrum hring á 1. stigs úrtökumótinu fyrir LET-Evrópumótaröðina í golfi, en leikið er í Marokkó. Guðrún er í góðri stöðu eftir 36 holur.

Kylfingurinn Guðrún Brá Björgvinsdóttir úr Keili spilaði afar vel á öðrum hring á 1. stigs úrtökumótinu fyrir LET-Evrópumótaröðina í golfi, en leikið er í Marokkó. Guðrún er í góðri stöðu eftir 36 holur.

Guðrún Brá lék fyrsta hringinn á fimmtudag á einu höggi yfir pari, en hún bætti sig um fimm högg í gær og spilaði á fjórum höggum undir pari. Það skaut henni upp í þriðja sætið nú þegar mótið er hálfnað, samtals á þremur höggum undir pari og tveimur höggum frá efsta kylfingi. Guðrún Brá fékk fimm fugla á öðrum hringnum og einn skolla.

Berglind Björnsdóttir úr GR er einnig á meðal keppenda á mótinu og lék annan hringinn í gær á fimm höggum yfir pari og er samtals á 11 höggum yfir pari í 35. sæti.

Spilaðir verða fjórir hringir og þeir 27 efstu komast áfram á lokastig úrtökumótanna. Berglind á því einnig möguleika. sport@mbl.is