Hluthafalistar Páll vonast til þess að geta birt hluthafalista innan skamms.
Hluthafalistar Páll vonast til þess að geta birt hluthafalista innan skamms. — Morgunblaðið/Árni Sæberg
Vonir standa til þess að Kauphöllin geti á ný birt lista yfir stærstu hluthafa skráðra félaga á heimasíðu sinni. Beiðni þess efnis hefur verið send til Persónuverndar og búast má við afgreiðslu hennar innan skamms tíma.

Vonir standa til þess að Kauphöllin geti á ný birt lista yfir stærstu hluthafa skráðra félaga á heimasíðu sinni. Beiðni þess efnis hefur verið send til Persónuverndar og búast má við afgreiðslu hennar innan skamms tíma. Þetta segir Páll Harðarson, forstjóri Kauphallarinnar, í samtali við Morgunblaðið.

„Persónuvernd er með erindi frá okkur til skoðunar og við gerum okkur vonir um að geta hafið birtingu á þessum yfirlitum innan skamms á nýjan leik,“ segir Páll Harðarson. Kauphöllin hætti að birta lista yfir tuttugu stærstu hluthafa í skráðum félögum vegna nýrra persónuverndarlaga sem tóku gildi síðasta sumar. Töldu forsvarsmenn Kauphallarinnar að ekki væri ljóst hvort birting hluthafalistans uppfyllti skilyrði nýrra laga um persónuvernd og hættu því birtingu. Að undanförnu hafa mörg félög kosið að birta þessar upplýsingar sjálf.