FYRRVERANDI ólympíumeistari í sundi, Mark Spitz, hefur lýst yfir óánægju sinni með breytingar Alþjóða sundsambandsins á refsingum við notkun ólöglegra lyfja. Ef sundmenn innan tiltekins sambands falla fjórum sinnum á lyfjaprófi á einu ári er viðkomandi samband dæmt í tveggja ára bann. "Mér finnst þetta vera heimskuleg regla.
Spitz segir refsingarnar heimskulegar FYRRVERANDI ólympíumeistari í sundi, Mark Spitz, hefur lýst yfir óánægju sinni með breytingar Alþjóða sundsambandsins á refsingum við notkun ólöglegra lyfja. Ef sundmenn innan tiltekins sambands falla fjórum sinnum á lyfjaprófi á einu ári er viðkomandi samband dæmt í tveggja ára bann. "Mér finnst þetta vera heimskuleg regla. Sundmaðurinn sem tekur ólögleg lyf á að vera dæmdur í tveggja ára bann - ekki sambandið," segir Mark Spitz, en hann vann sjö gullverðlaun á Ólympíuleikunum í München árið 1972. "Hvernig haldið þið að þetta væri ef einhver strákur sem heitir Mark Spitz æfði mjög stíft og væri síðan neitað um tækifæri til að vinna sjö gullverðlaun vegna þess að einhver landi hans og keppinautur tók ólögleg lyf?" sagði Spitz þegar hann var spurður um álit sitt á breytingum Alþjóða sundsambandsins.

Mark Spitz