10. desember 2002 | Innlendar fréttir | 135 orð | 1 mynd

Nick Cave í Broadway

FYRRI tónleikar Ástralans Nick Cave fóru fram í Broadway í gærkvöldi fyrir troðfullu húsi. Húsið var opnað kl. 20 og féll það í hlut söngkonunnar Heru Hjartardóttur, sem vakið hefur talsverða athygli hér á landi að undanförnu, að hita upp fyrir kappann.
FYRRI tónleikar Ástralans Nick Cave fóru fram í Broadway í gærkvöldi fyrir troðfullu húsi. Húsið var opnað kl. 20 og féll það í hlut söngkonunnar Heru Hjartardóttur, sem vakið hefur talsverða athygli hér á landi að undanförnu, að hita upp fyrir kappann.

Nick Cave lék á flygil en honum til aðstoðar voru Warren Ellis á fiðlu, Jim White á trommur og Norman Watts-Roy á bassa. Þess má geta að Warren Ellis hefur verið fastur meðlimur í hljómsveitinni The Bad Seeds sem leikið hefur með Nick Cave um árabil.

Í kvöld heldur Cave aðra tónleika í Broadway en löngu er uppselt á þá.

Þetta er í annað sinn sem Nick Cave kemur hingað til lands til tónleikahalds en hann hélt tónleika hér árið 1986 ásamt hljómsveit sinni The Bad Seeds skömmu eftir útgáfu plötunnar, Your Funeral ... My Trial.

Aðgangsupplýsingar

Notandi:Þú ert ekki innskráð(ur).
Greinin: Þessi grein er ókeypis þar sem hún er eldri en þriggja ára.
Morgunblaðið - fyrsta forsíðan

Morgunblaðið hjá Landsbókasafni

Á vefnum timarit.is er að finna stafrænt safn Landsbókasafns yfir helstu dagblöð og tímarit landsins. Þetta er eina leiðin til að leita að efni úr Morgunblaðinu frá því fyrir 1986.