Matur | mbl | 29.1.2019 | 17:04

Blómkálsbaka sem þú verður að smakka

Einu sinni smakkað og þú getur ekki hætt. mbl.is/Winnie Methmann

Blómkál og sveppir eru frábært kombó og smakkast alveg dásamlega vel, sérstaklega ristað í ofni eins og við sjáum hér. Stökkur hafrabotn í böku sem þú munt alveg örugglega gera aftur og aftur – svo góð er hún. Það er næstum óhætt að fullyrða að hér sé besta blómkálsbaka í heimi, þar til annað kemur í ljós.

Blómkálsbaka sem þú verður að smakka

1 blómkálshaus
250 g sveppir
1 laukur
1 msk ólífuolía
salt og pipar
5 egg
1 dl mjólk
handfylli ferskt timían
25 g parmesan

Tertubotn:

250 g haframjöl
1 tsk salt
1 egg
1 eggjahvíta
½ dl ólífuolía
½ dl vatn
1 tertuform

Aðferð:

Hitið ofninn á 220°.
Skerið blómkál og sveppi í sneiðar. Skerið einnig laukinn í þunnar sneiðar og dreifið öllu á bökunarplötu með bökunarpappír. Dreifið ólífuolíu yfir og saltið. Bakið í ofni í 25 mínútur, þar til grænmetið er orðið fallega gyllt.
Tertubotn: Blandið hafragrjóni og hveiti saman í matvinnsluvél, þar til blandan verður mjög fín. Bætið við salti, eggi, eggjahvítu og olíu og blandið vel saman í deig. Bætið vatni smátt út í þar til deigið verður mjúkt og meðfærilegt. Rúllið því út á milli tveggja arka af bökunarpappír og setjið varlega yfir í tertuformið. Notið gaffal til að stinga í deigið og bakið við 220° í ofni í 10 mínútur.
Pískið egg og mjólk saman, salt, pipar og 1 msk. af fínsöxuðu timían. Dreifið bökuðu grænmetinu og sveppunum á tertubotninn og hellið eggjablöndunni yfir. Dreifið parmesan yfir og inn í ofn í 15 mínútur, eða þar til eggjamassinn er bakaður.
Skreytið með timían og berið fram.