Elskar þú smjör og hvítlauk?
Setja bókamerki
Hér er á ferðinni skothelt uppskrift að ljúffengu heimalöguðu hvítlaukssmjöri með kryddjurtakeim sem er fullkomið á brauðið ef þig langar í hvítlauksbrauð eða smyrja nýbakað brauð með hvítlaukssmjöri. Svo er það líka svo gott í bakaðar kartöflur og í alls konar matargerð. Það getur líka verið gott að eiga hvítlaukssmjör í ísskápnum þegar grilltíminn nálgast. Skemmtilegt er að leika sér með uppskrift eins og þessa og bæta við ferskum kryddjurtum.
Hvítlaukssmjör með kryddjurtakeim
- 150 mjúkt smjör
- 6–8 hvítlauksrif
- 1 búnt steinselja, smátt söxuð
- Salt eftir smekk
- Hvítur pipar eftir smekk
- Örlítill caynnepipar
- Örlítið garðablóðberg, smátt saxað (má sleppa)
- Örlítið rósmarín, smátt saxað (má sleppa)
Aðferð:
1. Setjið smjörið í skál og pressið hvítlauksrifin út í.
2. Skolið steinseljuna vel og þerrið, saxið hana ásamt hinum kryddjurtunum.
3. Bætið kryddjurtunum út í smjörið og kryddið með kryddunum.
4. Hrærið vel saman.
5. Setjið í ísskáp og kæli fyrir notkun. Ef það á að nota það til að smyrja nýbakað brauð er lag að taka það út aðeins fyrir notkun.
6. Hægt er að smyrja hvítlaukssmjörið á brauð og útbúa hvítlauksbrauð.
7. Hægt er að nota hvítlaukssmjörið í bakaðar karöflur.
8. Hvítlauksmjörið er líka gott í hvers kyns matargerð.
Erlendir fangar sendir til útlanda?
Quang Le: „Ég gerði ekkert rangt“
Fjármögnun alríkisins enn í óvissu
Vaxtahækkanir flýti fyrir því að þenslan minnki
97 aðgerðir hafa neikvæð áhrif
Saka Ísraela um fjöldamorð
Enn langt í að rannsókn málsins ljúki
Er 83% skattur á hagnað hæfilegur?