Uppáhaldsmánuður ostaunnenda er runninn upp, sjálfur Ostóber. Ostur er veislukostur og nú er rétti tíminn til að borða sína uppáhaldsosta, smakka nýja og prófa sig áfram með ostana í matargerð. Bráðinn ostur gerir allt svo girnilegt og síðan er lag að búa til ostarétti sem gleðja bragðlaukana. Á heimasíðunni Gott í matinn er að finna þessar gómsætu rjómaostakúlur sem er einstaklega einfalt að útbúa. Þær setja skemmtilegan svip á hvaða veisluborð sem er. Svo má líka bjóða upp á þær í saumaklúbbnum, á vinnustaðnum á föstudegi eða helgarbrönsinum.
Rjómaostakúlur með beikoni
Um 40 stk.
- 400 g rjómaostur með graslauk og lauk frá MS (tvær dósir)
- 400 g beikon
- 150 g pekanhnetur
- 4 stk. vorlaukur
- 100 g rifinn Cheddar ostur frá Gott í matinn
- saltstangir (má sleppa)
Aðferð:
- Steikið beikonið þar til það er vel stökkt og myljið/saxið smátt niður, setjið um 1/3 í skál með rjómaostinum og geymið restina.
- Saxið pekanhnetur og lauk mjög smátt og setjið einnig um 1/3 í skálina með rjómaostinum og geymið restina.
- Setjið cheddar ostinn saman við rjómaostablönduna og hrærið vel saman.
- Blandið restinni af beikoni, hnetum og vorlauk saman í skál.
- Útbúið litlar kúlur (munnbita) úr rjómaostablöndunni og veltið upp úr beikonblöndunni.
- Stingið saltstöng í hverja kúlu (má sleppa) og kælið í að minnsta kosti klukkustund.
- Berið fram á fallegum bakka eða bretti og skreytið að vild.