Áslaug Magnúsdóttir á valdamesta listanum

Tískuiðnaðurinn er flókið fyrirbæri sem byggist á ótal skapandi og öflugum einstaklingum. Þessi einstaklingar koma úr mismunandi áttum og hafa ólíkan bakgrunn. Á lista yfir 500 áhrifamestu einstaklinga tískuiðnaðarins samkvæmt heimasíðu Business of Fashion er einn Íslendingur, Áslaug Magnúsdóttir.

Áslaug Magnúsdóttir er frumkvöðull og kaupsýslukona, hún býr og starfar í New York. Áslaug er stofnandi og forstjóri veffyrirtækisins Tinker Tailer. BoF 500-listinn þykir virtur enda er hann prýddur af flottustu hönnuðum, fyrirsætum, kaupsýslufólki og ritstjórum heims svo eitthvað sé nefnt. Ásamt Áslaugu á listanum virta eru einstaklingar á borð við Anna Wintour, Cara Delevingne, David Beckham, Jean Paul Gaultier og Kate Moss og verður þetta því að teljast mikill heiður að komast á slíkan lista.

Þetta er ekki í fyrsta sinn sem Áslaug hlýtur athygli fyrir störf sín því hún var kos­in ein af 100 mest skap­andi mann­eskj­um í viðskipt­um af tíma­rit­inu Fast Comp­any ásamt því að vera kos­in ein af þeim 50 valda­mestu í tísku­heim­in­um af vefsíðunni Fashi­on­ista.