Skilnaðaráhugi stóreykst eftir áramót

Nýárið er sá tími sem fólk hugsar sinn gang og breytir til. Þetta á ekki bara við um hreyfingu og mataræði heldur líka hjónabönd. Samkvæmt tölum frá Bretlandi er orðið skilnaður mun oftar slegið inn í leitarvél Google í janúar en til dæmis í desember. 

Fyrsta mánudag á árinu nær þessi áhugi hápunkti samkvæmt vefsíðu skilnaðarfyrirtækisins Amicable. Ástæðan fyrir þessum mikla skilnaðaráhuga er að hátíðirnar sem eru nýafstaðnar geta reynst brothættum samböndum erfiðar. 

Marie Claire greinir frá því að janúar er ekki eini mánuðurinn þar sem fólk áttar sig á því að það er komið með nóg af maka sínum eftir að hafa eytt miklum tíma saman, fólk hefur byggt upp væntingar og álagið á budduna jókst. Í raun minnkar skilnaðaráhugi í desember en eykst aftur í janúar. Einnig er hann mikill í júní og september. 

Er kominn tími til að skilja? mbl.is/AFP

• Blogga um frétt