Verður nýju ári fagnað með grímupartíi?

Það er hefð fyrir því að Íslendingar séu með grímur á gamlárskvöld. En glöggir muna að grímuböll voru í hávegum höfð á endurreisnartímabilinu í Evrópu. Þá þótti fátt skemmtilegra en að leyna uppruna sínum og fara út að dansa með hópi af fólki án þess að félagsleg staða þín væri kunn. 

Feneyjar eru hvað þekktastar fyrir grímuböllin sín og á tímabili mátti ekki vera með grímur á almannafæri nema þegar Carnival var einu sinni á ári. Ástæðan var sú að fólk þótti sleppa fram af sér beislinu meira en góðu hófi gegndi, og oftar en ekki hækkaði tíðni glæpa og vandamála í kjölfar þess að fólk leyndi því hver það var.  

Í dag er sagan önnur og er víða þekkt um heiminn að fólk beri grímur til að fagna nýju ári. Svartar, eða gylltar grímur sem hægt er að færa yfir í fallegt hárskraut er vinsælt. 

 Algengt er að sá sem býður til veislunnar sé með fallegar grímur sem borðskraut við hvern disk. Á Íslandi fást grímur víða. En þeir sem eru hrifinir af þessari hefð, safna fallegum grímum allan ársins hring og þá sér í lagi í ferðalögum sínum um Evrópu. 

Það er fátt fallegra en handmálaðar postulínsgrímur frá Feneyjum, sem fá að standa yfir árið sem skraut í stofunni.

Sá litur sem verður oft fyrir valinu í skreytingum um áramótin er gylltur, svartur og rauðir tónar. Svo ekki sé minnst á confetti sem er ómissandi á þessum tímamótum.

Þegar kemur að förðun þá eru augnahár og rauðir varalitir vinsælir. Og sumar konur eru janvel svo djarfar að þær mála á sig grímu með förðuninni einni saman. Hér koma hugmyndir að fallegu útliti fyrir áramótin.