Þurfa að sanna sig eftir slæman árangur
Setja bókamerki
Nú þegar líða tekur á árið eru síðustu viðburðir ársins að fara af stað og einn af þeim er Blast Premier Fall Finals.
Næstsíðasta Counter-Strike mótið á vegum Blast fer af stað næsta miðvikudag, 23. nóvember, og mun eiga sér stað í Kaupmannahöfn.
Stutt mót
Mótið er tiltölulega stutt, eða fjórir dagar, og munu undanúrslit og úrslitin sjálf eiga sér stað í Royal Arena fyrir framan 12-15 þúsund áhorfendur.
Mótið byrjar á riðlakeppni á miðvikudag þar sem liðin átta takast á í tvöfaldri útsláttarkeppni (e. double elimination).
Ef lið tapar tveimur viðureignum í riðlakeppninni dettur það úr leik. Þegar lið kemst upp úr riðlinum sínum leikur það í venjulegri útsláttarkeppni.
Liðin á mótinu
Mörg liðin eru mætt til að sanna getu sína eftir lélega frammistöðu á stórmótinu í Brasilíu en liðin Ninjas in Pyjamas og OG áttu erfiða daga og voru bæði send snemma heim af mótinu.
Liðið Heroic verður á heimavelli í Kaupmannahöfn og margir telja þá sigurstranglega en hinsvegar eru önnur sterk lið að koma inn í keppnina eins og Natus Vincere og FaZe og munu þau ekki fara heim án þess að slá frá sér.
Keppnin fer af stað á miðvikudaginn klukkan níu að íslenskum tíma og hægt er að fylgjast með mótinu á twitch rás Blast.
Telur forsendur fyrir vaxtalækkun
Væri að ljúga ef ég segðist ekki stressaður
„Umsátursástand“
Skiptir miklu meira máli en fólk grunar
Frambjóðendur skila inn listum í Hörpu
Handteknir eftir myndatöku í Vesturbæjarlaug
Krefjast stöðvunar framkvæmda