Guðmundur rekinn frá Melsungen

Þýska handknattleiksfélagið Melsungen hefur sagt Guðmundur Þórði Guðmundssyni upp störfum. Þetta tilkynnti félagið á samfélagsmiðlum sínum í dag.

Fyrir helgi bárust fréttir af því að Guðmundur væri á förum frá félaginu en hann tók við liðinu í febrúar 2020.

Samningur hans við félagið var til loka yfirstandandi tímabils en liðið hefur ekki farið vel af stað í þýsku 1. deildinni og er með 1 stig eftir fyrstu þrjár umferðirnar.

„Liðið hefur valdið miklum vonbrigðum í upphafi tímabils og þá var árangur síðasta tímabils langt undir væntingum,“ segir meðal annars í tilkynningu Melsungen.

„Félagið hefur því tekið ákvörðun um að víkja Guðmundi Guðmundssyn frá störfum,“ segir enn fremur í tilkynningunni.

Arjan Haenen, aðstoðarþjálfari Melsungen, mun stýra liðinu tímabundið á meðan félagið leitar að nýjum þjálfara en þrír Íslendingar leika með liðinu; þeir Arnar Freyr Arnarsson, Alexander Petersson og Elvar Örn Jónsson.

Guðmundur er landsliðsþjálfari íslenska karlalandsliðsins og hefur gegnt starfinu frá árinu 2018.

Fréttin hefur verið uppfærð.

• Blogga um frétt