Skara mátti þola tap, 29:25, á útivelli gegn Västerås í úrvalsdeild Svíþjóðar í handbolta í dag.
Aldís Ásta Heimisdóttir átti góðan leik fyrir Skara, þrátt fyrir tapið, og var markahæst í liðinu með sex mörk. Jóhanna Margrét Sigurðardóttir bætti við þremur.
Skara er í sjötta sæti deildarinnar með 23 stig eftir 21 leik.
Berta Rut Harðardóttir gerði fjögur mörk fyrir Kristianstad í sigri á Hallby á heimavelli, 24:23.
Kristianstad er í fimmta sæti með 24 stig. Átta efstu liðin fara í úrslitakeppnina. Kristianstad er öruggt þangað og Skara í góðum málum.