Brandenburg sigursælust

Auglýsingastofan Brandenburg hlaut fjóra og flesta Lúðra á Lúðrinum, íslensku auglýsingaverðlaununum, sem haldin voru á dögunum.

Hlaut stofan verðlaun m.a. fyrir herferðina „Það er kominn matur“ sem unnin var fyrir Heimkaup og fyrir mörkun og ásýnd fyrir vín- og kokteilbarinn Skuggabaldur.

„Við erum virkilega ánægð með árangurinn. Við leggjum mikið upp úr árangursdrifinni hugmyndavinnu og það er gaman að uppskera eftir því,“ segir Sigríður Theódóra Pétursdóttir framkvæmdastjóri Brandenburgar í tilkynningu frá ÍMARK, samtökum auglýsingafólks, sem stendur fyrir afhendingunni.