Finnst hún ekki eins og Cindy Crawford

Börn hinna frægu eru að stela senunni um þessar mundir. Kaia Gerber er ein þeirra og virðist sækja í sig veðrið með hverju árinu sem fyrirsæta. Hún virðist ekki ætla að gefa móður sinni neitt eftir þegar kemur að fyrirsætustörfunum en móðir hennar er engin önnur en Cindy Crawford. 

Gerber er fædd árið 2001 og er því 17 ára að aldri. Daily Mail fylgist náið með börnum þekktra einstaklinga og fjallar iðulega um tískustíl Gerber og hvar hún er hverju sinni. Svo virðist sem hún eigi þekkta vini og fylgi þeim eftir á hina ýmsu staði. Nú síðast á Coachella tónlistarhátíðinni þar sem hún var klædd í gallabuxur í anda tíunda áratugarins. 

Crawford var þekkt fyrir að klæðast svipuðum gallabuxum á sínum tíma og þykir Gerber mjög lík móður sinni í útliti einnig. Þó að hún sjái ekki hvað fólk sér svona líkt með þeim. 

• Blogga um frétt