Hinn 17 ára gamli Damien Hurley er alveg eins og mamma hans, leikkonan Elizabeth Hurley. Damien kemur fyrir í auglýsingu fyrir Pat McGrath Labs og skartar þar blásnu hári eins og hefðarfrú á 9. áratugnum.
Hann fetar þar með í fótspor móður sinnar sem var andlit Esteé Lauder árið 1995. Damien hefur líka reynt fyrir sér fyrir framan tökuvélarnar en hann fór með hlutverk í þriðju seríu af The Royals sem mamma hans leikur einnig í.
Damien á Elizabeth með bandaríska viðskiptamanninum Steve Bing.