Vetrarleyfi grunnskóla Reykjavíkurborgar hefst fimmtudaginn 24. október og lýkur mánudaginn 28. október. Það er engin ástæða til þess að hanga bara heima í tölvunni eða fyrir framan sjónvarpið en Reykjavíkurborg býður upp á fjölbreytta og ókeypis dagskrá fyrir alla fjölskylduna þessa þrjá daga.
Í frístundamiðstöðvum er hægt að finna skemmtilega afþreyingu. Á fimmtudaginn er meðal annars boðið upp á bingó og kleinuhringjagerð. Einnig er hægt að taka þátt í spurningakeppni í Vesturbæjarlaug en frítt er í Sundhöll Reykjavíkur og Vesturbæjarlaug milli 14 og 16.
Í haustfríinu fá fullorðnir í fylgd með börnum frítt inn á Kjarvalsstaði, Ásmundarsafn, Hafnarhús, Árbæjarsafn, Landnámssýninguna í Aðalstræti, Ljósmyndasafnið og Sjóminjasafnið. Einnig er að finna fjölbreytta dagskrá á bókasöfnum Reykjavíkur.
Nánari upplýsingar má finna hér.