Leikkonan Anne Hathaway virðist vera búin að eignast sitt annað barn en hún sást á dögunum á gangi með barnavagn.
Hathaway tilkynnti í júlí að hún og eiginmaður hennar Adam Shulman ættu von á sínu öðru barni. Fyrir eiga þau soninn Jonathan sem er 3 ára.
Hathaway og Shulman sáust á gangi í Connecticut á sunnudaginn síðasta með barnavagn. Sonur þeirra Jonathan var einnig með þeim og gekk við hlið foreldra sinna. Hún hefur þó ekki tilkynnt opinberlega um að nýja barnið sé komið í heiminn.