8 hlutir sem eitraðar mæður gera

Hefur þú steinveggjað börnin þín nýlega? Látið eins og þú sjáir þau ekki, bara af því að þau gerðu eitthvað sem þér líkaði ekki við? Þú ættir að hugsa þig tvisvar um að beita þannig aðferðum að mati Peg Street höfundur bókarinnar Daughter Detox: Recovering from an Unloving Mother and Reclaiming Your Life.

Street skrifar vinsælar greinar á vef Psychology Today og er umfjöllunarefnið hennar vanalega málefni er varða eitraðar mömmur. Sjálf átti Streep eitraða mömmu, sem hún átti erfitt með að setja heilbrigð mörk. Hún vann lengi í sér til að ná tökum á því og segir að það hafi tekið hana tuttugu ár, frá því hún var tuttugu ára þar til hún varð fertug. Í hvert skipti sem hún opnaði á mömmu sína, náði hún að sá inn í samskipti þeirra sársauka, á undarlega lævísan hátt. Það var svona sem hún gerði það. 

Valdaójafnvægi í móður/dóttur sambandinu

Þar sem mannfólkið hefur að mati Streep sett móðurástina á stall, þá er ákveðin forðun í gangi þegar kemur að því að skoða þann afstöðumun sem fólginn er í foreldrahlutverkinu þegar kemur að börnum. Allir vilja skoða mæður út frá þeim kærleiksríka vinkli að þær séu sáttasemjarar og góðhjartaðar. Streep segir það stundum harla langt frá sannleikanum. 

Líkt og Deborah Tannen fjallaði um í bókinni sinni, You´re Wearing That? Mothers and Daughters in Conversation, þá býr foreldri vanalega til heimsmynd barnsins. Óheilbrigð samskipti og hegðun eru stundum normaliseraðar inn í veröld barnsins. 

Streep heldur því fram að nær allar konur sem hafa alist upp við skerta ást frá móður, eigi sér þann draum heitastan að tómleikinn og skortur á ást muni eldast af þeim. Það er vanalega ekki raunin að hennar sögn. 

Eftirfarandi atriði eru átta hlutir sem eitraðar mæður gera:

1. Að ásaka

Þessi hegðun getur byrjað strax í æsku og getur verið allt frá pínulitlum atriðum í stærri meira áberandi ásakanir. Að ásaka og gera lítið úr, fer vanalega í kjarna persónunnar. Orð sem eru alhæfing á persónu út frá hegðun, nær með tímanum að brjóta fólk niður. 

Ef þetta er gert nógu oft, fer það vanalega í kjarna barnsins sem heldur áfram að nota svipuna á sjálft sig. Margar rannsóknir sýna tengsl á milli sjálfsgagnrýni og lélegrar heilsu. 

2. Að koma inn samviskubiti

Þegar mæður leika fórnalömb við börnin sín er dæmigert að móðirin notar eðlilega hluti sem allar mæður gera fyrir börnin sín, sem sönnun þess að þær geri allt fyrir barnið sem kann ekki að sýna þakklæti fyrir. 

„Í hvert skipti sem ég reyni að segja hvað mér finnst um hegðun hennar, þá skellir hún á mig. Innan nokkurra daga þá heyri ég í einhverjum öðrum úr fjölskyldunni sem segir mér að hún sé veik og líði illa og það sé mér að kenna. Sendiboðinn gagnrýnir mig svo fyrir hegðunina, sem leggur grunninn að veruleika mömmu, sem er byggður á aumingja ég hugsuninni. Að sjálfsögðu er ég alltaf með samviskubit, þó að ég viti að það sé verið að leika sér að mér,“ segir kona að nafni Adele sem lýsir sambandi sínu við móðurina. 

3. Að detta í samanburð

Að halda upp á eitt barn fram yfir annað er algengt í allskonar fjölskyldum. Einnig þeim þar sem kærleikur og heilbrigði er ágætt. Því ættu allir foreldrar að gæta að þessu.  

Algengt er að móðirin haldi þá upp á dótturina sem er líkust henni sjálfri. Eða dótturina sem þarf minni aðstoð. 

Eitraða mamman notar þessa leið til að stjórna og ná fram ákveðinni hegðun. Hún gagnrýnir svo dóttirin verði ekki of montin, eða ber systkinin saman til að hvetja þau áfram. Jafnvel þó að dóttirin sé einkabarn þá er hún ekki frjáls. Af hverju ertu ekki eins og Rósa frænka? Hún er svo dugleg og falleg? Eða Elín í skólanum, hún er svo mjó og alltaf í ballett?