Nú þegar skólar og leikskólar eru lokaðir er mikil pressa á foreldrum að sinna námi barna sinna af bestu getu. Það getur verið yfirþyrmandi fyrir marga að þurfa að skipta um hlutverk oft á dag, frá kennara, yfir í foreldri og þaðan yfir í leikfélaga.
Leikkonan Shay Mitchell minnti fylgjendur sína á að gera bara sitt besta. „Þú þarft ekki að læra eitthvað nýtt, þú þarft ekki að læra að spila á nein hljóðfæri. Hver stund þarf ekki að vera fræðandi. Ef þú átt litla manneskju og heldur henni á lífi færðu A+ í kladdann,“ skrifaði Mitchell.
Áminningin er eflaust kærkomin fyrir aðra foreldra sem geta ekki sofnað á kvöldin yfir áhyggjum yfir því hvað þau eigi að kenna barninu sínu daginn eftir. Margir foreldrar í Hollywood hafa greint frá erfiðleikum sínum með heimakennsluna og sagði meðal annars Drew Barrymore í síðustu viku að hún hafi grátið á hverjum degi yfir heimakennslunni.
View this post on InstagramA post shared by Shay Mitchell (@shaymitchell) on Apr 19, 2020 at 1:37pm PDT