Leikkonan Busy Philipps, sem á tvö börn, þau Birdie og Cricket, greinir frá því að eldra barn hennar, sem er tólf ára að aldri, sé samkynhneigt og noti fornafnið hán í stað hann eða hún. Þetta kemur fram á vef Independent.
Philipps er þekktust fyrir hlutverk sín í sjónvarpsþáttum á borð við Cougar Town. Nýlega gaf hún út æviminningar sínar, This Will Only Hurt a Little.
Leikkonan greindi fyrst frá þessu í hlaðvarpi sínu, Busy Philipps Is Doing Her Best, þar sem hún segir að Birdie hafi fyrst rætt þetta við fjölskyldu sína tíu ára að aldri. Philipps segist ekki vera sérfræðingur í þessum málum og ruglist oft heima fyrir á fornafninu það en hún sé að gera sitt besta og hafi fengið leyfi hjá háni til að tala um málið opinberlega svo hún geti gert skurk í að beita réttu fornafni á almannafæri líka.