Konunglegu tvíburarnir Vincent prins og Jósefína prinsessa áttu tíu ára afmæli í gær, föstudag. Danska konungsfjölskyldan hélt upp á afmæli barnanna með því að gefa út nýjar myndir af þeim.
Tvíburarnir brostu í sparifötunum á myndunum. Var Vincent í skyrtu, svörtum buxum og lakkskóm en hin brosmilda Jósefína í konulegri buxnadragt.
Tvíburarnir komu í heiminn hinn 8. janúar 2011 á Ríkisspítalanum í Kaupmannahöfn. Klukkan 10:30 kom Vincent í heiminn og 26 mínútum seinna fæddist Jósefína. Fyrir eiga foreldrar þeirra, Friðrik krónprins og Mary krónprinsessa, soninn Kristján og dótturina Ísabellu.