Dancing With The Stars-stjarnan Witney Carson var smituð af kórónuveirunni þegar hún fæddi son sinn í heiminn í byrjun árs.
Carson greindi frá þessu á Instagram í vikunni. Carson smitaðist rétt fyrir jól en vissi ekki að hún væri smituð. Þá smitaði hún foreldra sína á jóladag. Í kjölfarið þurftu foreldrar hennar að fara í einangrun og voru í einangrun þegar þau hittu barnabarnið sitt í fyrsta skipti.
„Þau voru ekki búin í einangrun og þurftu að hitta barnabarnið sitt í fyrsta skipti í gegnum glugga. Ég var miður mín yfir því,“ segir Carson.
Fæðingin var erfið að sögn Carson og þurfti á endanum að taka drenginn litla með bráðakeisaraskurði.