NFL-leikmanninn Aaron Rodgers langar til að verða faðir. Hann fann ástina á síðasta ári og trúlofaðist leikkonunni Shailene Woodley.
Í spjalli við Zenith í beinni útsendingu á Instagram sagði Rodgers að næsta stóra áskorun í lífi sínu yrði að taka við föðurhlutverkinu. Hann sagðist vera búinn að hugsa mikið um það að verða faðir.
„Kannski ekki í náinni framtíð, en það er klárlega eitthvað sem ég hlakka til að gera og það verður mjög skemmtileg áskorun,“ sagði Rodgers. Hann sagði að hann væri nú á þeim aldri að margir vina hans úr skólanum væru orðnir fjölskyldufeður en hann er 37 ára gamall.
„Ég hlakka til að bera ábyrgð á lífi einhvers annars. Ég held það verði svo gaman. Mig hefur dreymt um hvernig það verði, ég er mjög spenntur fyrir þeim kafla í lífinu, hvenær sem hann kemur,“ sagði Rodgers.