Eitt af fyrstu orðum Archies, sonar Harrys Bretaprins og Meghan hertogaynju af Sussex, var amma. Harry sagði í þættinum The Me You Can't See að orðið hefði verið mjög þýðingarmikið fyrir sig.
Harry sagði að í herbergi Archies væri mynd af móður Harrys, Díönu prinsessu, og þau hefðu strax kennt honum hver væri á myndinni.
„Ég er með mynd af henni í herberginu hans og það var eitt af fyrstu orðunum sem hann sagði fyrir utan mamma og pabba; amma. Amma Díana. Það er það fallegasta í heimi, en á sama tíma gerir það mig svo sorgmæddan því hún ætti að vera hér,“ sagði Harry.