Börn Kilmers framleiða átakanlega mynd um pabba

Börn leikarans Vals Kilmers brostu sínu breiðasta á rauða dreglinum á kvikmyndahátíðinni í Cannes á dögunum þegar heimildarmynd um föður þeirra var forsýnd. Dóttirinn Mercedes sem er 29 ára og sonurinn Jack 26 mættu til Frakklands til að heiðra föður sinn, en þau eru meðframleiðendur að heimildarmyndinni.  

AFP

Val Kilmer lét lítið fyrir sér fara og leyfði börnunum sínum að njóta sviðsljóssins á rauða dreglinum en hann þjáist af krabbameini í hálsi. Hann deildi stiklu úr heimildarmyndinni á samfélagsmiðlinum Twitter. „Þegar ég skrifa þetta er forsýning á heimildarmyndinni minni að hefjast á kvikmyndahátíðinni í Cannes. Ég er afar þakklátur að hlotnast sá mikli heiður að myndin skuli hafa verið valin á hátíðina. Það er mikil tilhlökkun að fá að deila sögunni minni með ykkur öllum.“

• Blogga um frétt