Hin 14 ára gamla Valentina Pinault prýðir forsíðu Vogue í Mexíkó í maí. Pinault er dóttir leikkonunnar Sölmu Hayek og sátu þær mægður saman fyrir í myndatökunni. Mæðgurnar þykja einstaklega líkar og segir Hayek frá því að dóttir hennar sé strax farin að stela af henni fötum. 

„Við rífumst um föt, því hún stelur öllu úr fataskápnum mínum. Ég hef aldrei fengið að ráða því í hverju hún gengur,“ sagði Hayek.

Á forsíðunni sitja þær mæðgur fyrir í fötum frá Gucci. Móðurfyrirtæki Gucci er Kering sem eiginmaður Hayek og faðir Pinault, Froncois-Henri Pinault stýrir. 

Í viðtalinu ræða þær Hayek og Pinault um tísku en þær deila því áhugamáli. „Sannleikurinn er sá að þegar kemur að fötum, þá elska ég fötin hennar, en almennt séð klæðist ég því sem ég elska. Ég tek varla eftir merkjum. Svo finnst mér gaman að nýjum og gömlum fötum,“ sagði Pinault.

Tengdar fréttir

Frægar fjölskyldur

Sonur Birgittu Lífar á góðri leið að verða heimsflakkari

• Ragga Hólm og Elma eiga von á barni
• Dóttir barnastjörnu fæddist andvana
• Þurftu að tilkynna nafnið extra snemma
• Sonur Berglindar og Kristjáns kominn með nafn

» Fleiri tengdar fréttir

• Blogga um frétt