Fermdist í dragt af mömmu sinni

Ísabella prinsessa Danmerkur fermdist á dögunum í dragt af móður sinni. Um er að ræða kremlitaða Max Mara buxnadragt sem Mary prinsessa hefur oft sést í. Þá var yngri systirin Jósefína í gömlum sumarkjól frá eldri systur sinni.

Þetta er ekki í fyrsta skipti sem Ísabella prinsessa stelst í fataskáp móður sinnar en í tilefni af 15 ára afmæli sínu um daginn voru teknar myndir af henni í Paul Smith jakka móður sinnar. 

Mary krónprinsessa var hin glæsilegasta í kóral rauðum kjól úr smiðju Andrew Gn. Kjóllinn var afar fallegur í sniðinu með víðum ermum og belti með skrautsteinum á. Talið er að kjóllinn kosti hátt í hálfa milljón íslenskra króna.