Fyrrverandi Victoria's Secret-fyrirsætan Jasmine Tookes er orðin móðir. Hún og eiginmaður hennar, Juan David Borrero, tóku á móti sínu fyrsta barni hinn 23. febrúar síðastliðinn.
Stúlkan hefur þegar fengið nafnið Mia Victoria. Tookes birti fallega færslu á Instagram-reikningi sínum þar sem hún tilkynnti komu og nafn Miu.
Tookes og Borrero kynntust árið 2016 og trúlofuðu sig árið 2020. Ári síðar giftu þau sig við glæsilega athöfn í Ekvador, en Borrero er sonur Alfredo Borrero, varaforseta Ekvadors.
Þau tilkynntu óléttuna svo með fallegum myndum úr myndatöku fyrir tískutímaritið Vogue í nóvember síðastliðnum.